Khomishini ya Ndaulo ya Mbambadzo ya Dzitshaka (Khomishini) yo gazeta ndivhadzo ya u thomiwa ha thodisiso dzau dzhia maga a vhukando, a ulwa na u engedzea ha u tundiwa ha zwibveledzwa zwa tsimbi dzi fhisaho nga la 23 Thafamuhwe 2024.
Khumbelo yo netshedzwa nga Tshiimiswa tsha Tsimbi tsha Afrika Tshipembe (“SAISI”), dzangano la ndowetshumo, le la ita khumbelo lo imela ArcelorMittal South Africa Limited (“AMSA”), sa line la vha li tshi khou bveledza tshibveledzwa tshihulwane tsha thero kha Mbumbano ya Mithelo ya Tshipembe ha Afrika (“SACU”).
Tsheyo ya Khomishini yo dzhiiwa ho lavheleswa mbuno dzine dza tshimbilelana na mvelaphanda dzi songo lavhelelwaho, u gonya ha u tundiwa ha zwibveledzwa zwi bvaho mashangoni a nnda, u huvhala huhulwane na tshiitisi, na nyimele dza ndeme. Khomishini yo dzhia tsheo ya u thoma ya uri:
• Zwiitea zwo bulwaho zwi dzhiiwa sa mvelaphanda dzi songo lavhelelwaho dze dza ita uri hu vhe na u engedzea ha vhunzhi ha tsimbi dzo tundiwaho ubva mashangoni a nnda;
• U gonya ha tshivhalo tsha zwirengiswa izwi zwi bvaho nnda zwo vha zwa tshihadu, nahone zwi zwa ndeme;
• Ndowetshumo ya SACU i fhasi ha mutsiko u vhonalaho; na
• Naho hu na zwinwe zwithu nga nnda ha zwibveledzwa zwi bvaho nnda zwe zwa shela mulenzhe kha u huvhala uhu, u fana na u fhungudzea ha thodea kha mbambadzo ya tsimbi, na u shaya vhubindudzi ha themamveledziso, u dura ha zwishumiswa, na netshedzo ya fulufulu na zwithivheli zwa u tshimbidzwa ha thundu; zwithu izwi a zwo ngo fhungudza nga ndila yo edanaho vhushaka ha tshiitisi vhukati ha u huvhala huhulwane he Muhumbeli a tangana naho, na u gonya ha tshivhalo tsha zwibveledzwa zwi bvaho nnda zwo bveledzwaho nga mvelaphanda dzi songo lavhelelwaho.
Khomishini yo tsheya uri nyimele iyi ndi ya tshihadu, huno u lenga u vhewa ha maga a tshifhinganyana a tsireledzo, zwa do vhanga tshinyalelo I vhonalaho. Ngauralo, Khomishini yo dzhia tsheo ya u humbela Khomishinari wa Tshumelo ya Mbuelo ya Afrika Tshipembe (“SARS”) u vhea maga a tshifhinganyana, a phesenthe dza 9 (tahe) dza ad valorem kha zwibveledzwa zwa tsimbi dzo tanganyiswaho nga ndila ya u fhisa zwi bvaho mashangoni a nnda lwa tshifhinga tsha maduvha a 200, hu tshi khou lindelwa u khunyeledzwa ha thodisiso.
Maga a tshifhinganyana o kombetshedzwa kha mashango othe nga nnda ha mashango a khou bvelelaho o topolwaho, sa izwi zwirengiswa zwi bvaho kha linwe na linwe la aya mashango zwi sa fhiri phesenthe tharu dza volumu yothe ya zwirengiswa zwi bvaho nnda kana zwo tangana zwi vha phesenthe dzi fhiraho 9 dza zwirengiswa zwothe. Ndivhadzo ya u thoma u shuma ha tsheo iyi, yo andadzwa kha Gazethe ya muvhuso nga la 05 Fulwana 2024.
Zwidodombedzwa zwo fhelelaho vhanga zwi wana hafha Report 730